سخن روز

امیرالمومنین امام علي (ع) :

درانتظارفرج باشید واز رحمت وکارگشایی خدا ناامید نشوید، زیرا بهترین اعمال در نزد خدای بزرگ انتظار فرج است.

 

تاریخ انتشار: 28 دى, 1393 - 08:00

عشقین اون دورت نوری وار آی گون خبر من مبتدایم

خلقیده هم خلقیده منطق ده عین مصطفایم

چون او ختم الانبیا دور منده ختم الاوصیایم

تخت عصمتده منم سلطان منه مهدی دیللر

یرده چوخ گنجینه وار تپراقلار آلتیندا خفادی

هر گیاهی که چیخور یردن نچه درده دوادی

من نشان وئرم ،بیلر سوز قدر آب وخاک وبادی

دردلره من ایلرم درمان منه مهدی دیللر

گلدی اجدادیم قوتارسون عالمی طوفان شردن

آلمادی درس اهل دنیا مکتب خیرالبشردن

من ولی اسلامی آزاد ایلرم دام خطردن

وئرمرم خائنلره میدان منه مهدی دیللر

نکته سئچسون نکته دن عالمده هرکس نکته داندی

قرآنیم انجیل و تورات و زبوره حکمراندی

ای مسیحی لر بیلون عیسا منه پرچم دوتاندی

بحر وبر مندن آلار فرمان منه مهدی دیللر

بیکران قدرت منه تفویض اولوبی اولیادن

گر اجازه اولماسا مندن یاغیش یاغماز سمادن

ائتمیون کفران نعمت قان اولوب قلبیم جفادن

ایلرم اشرار ائوین ویران منه مهدی دیللر

ای پناهنده اولانلار سهلییه یا جمکرانه

هی گلور سوز ایستوسوز مال و حشم اولاد وخانه

بیر دعاده ایلیون امنیت آخر زمانه

قلبیمی آلام ائدوبدور قان منه مهدی دیللر

عالمین گرچه طبیب غصه و امراضیم من

لیک گلسم دوز قضاوت ایلرم دوز قاضیم من

بی نماز وبی حجاب اشخاصیدن ناراضیم من

ئوز ئوزون آلاتما ای نادان منه مهدی دیللر

دینیمیز تبلیغ اولور مین دورت یوز ایلدی منبر اوسته

باش قویوب جدیم حسین دینه گوره خاکستر اوسته

هئچ یادیمدان چیخمیوب عمم دوگولدی معجر اوسته

اوت ووروبدی سینه مه عدوان منه مهدی دیللر

من رئوفم سانمیون اما هامیلان سازشیم وار

چان به کف اوچ یوز اون اوچ فرماندهان ارتشیم وار

گر ظهور ائتسم حجاز ئکربلا ده چوخ ایشیم وار

من گرک کونه سالام طوفان منه مهدی دیللر

هئچ یادیمدان چیخمیوب دریا یانیندا قان ایچیلدی

هئچ یادیمدان چیخمیوب نازک بوغاز اوخدان بیچیلدی

قورخولی میدان دا عباسین اوجا قدی کیچیلدی

گوزلریم غمدن اولوب گریان منه مهدی دیللر

ای ظهوره گون سایانلار وحدته دلدادیم من

سنگری حفظ ایلیون فرمانده آزادیم من

سیز اگر آماده اولساز گلماقا آمادیم من

گلسم اولام قاضی وجدان منه مهدی دیللر

ئوز گه نین حقین وئرون من باخمارام دنیا پرسته

آلدیلار حقین آنامین اولدی حیدر دلشکسته

من گرک شورا قورام زهرانین ایتگین قبری اوسته

چیخمیوب یاددان در سوزان منه مهدی دیللر

منبع : کتاب عریضه کلامی اثر حاج ولی الله کلامی

دسته بندی