سخن روز

امیرالمومنین امام علي (ع) :

درانتظارفرج باشید واز رحمت وکارگشایی خدا ناامید نشوید، زیرا بهترین اعمال در نزد خدای بزرگ انتظار فرج است.

 

تاریخ انتشار: 25 آبان, 1393 - 08:00

ایتمه غم دولت پاینده ی ایمان گله جاقدور

دفتر کفره چکن بیر خط بطلان گله جاقدور

آلیشان آتش هجرانیله یعقوب زمانه

ویر خبر غم یمه سین یوسف کنعان گله جاقدور

چکیلوب پرده ظلمتکده ی ظلم و جهالت

صبح صادق آچیلوب نیر رخشان گله جاقدور

عدل وداد علویتله ایدن عالمی آباد

کاخ ظلمی الین خاکیله یکسان گله جاقدور

غارت و ظلم و چپاولگری دشمنه دشمن

مونس و یار و طرفدار ضعیفان گله جاقدور

قله ی انی انا اللهه ویران پرچم توحید

قائم منتظر وحجت رحمن گله جاقدور

آفتاب فلک حکمت و ایمان و فضیلت

تا ابد قالمیه جاق پرده ده پنهان گله جاقدور

چرخش چرخ زمان باشه چاتا، عمر جهاندان

قالا بیر گون، او گونه مهدی دوران گله جاقدور

دیمین ای اورگلین گیزلین اولان دردینی خلقه

صبر اله منتظر اول دردوه درمان گله جاقدور

عالمی یاندیران عالمده یانان بیر قاپی اولدی

گتیرن بو سوز ایچون حجت و برهان گله جاقدور

چکیلر محکمه ی عدله او گون اول وثانی

حکمینی و یرماق ایچون منطق قرآن گله جاقدور

چوخ داریخما سود امر قانی مگر یرده قالاندی

ایلین داوری عدلیله دیوان گله جاقدور

قورییدی الون ای حرمله هیچ فکروه گلدی ؟

جوشه بیر گون او بوغاز دان توکولن قان گله جاقدور

فکر ایدردی آنا ایندی سو ایچوب دینجلر اما

بولمدی سود امری قانینه غلطان گله جاقدور

شیعه «زرین قلم» آماج مصیبت الوب السون

دوزگیلن صاحبی وار صاحب دوران گله جاقدور

شاعر :آقای حاج حمید زرین قلم

برگرفته از کتاب مجمع الاشعار حسین (ع)باب النجات

دسته بندی